聽朝另一場世盃L組賽事，非洲球隊加納鬥中北美洲代表巴拿馬。加納雖然係非洲名牌，不過近期戰績極差，而且管理亦立立亂；巴拿馬相隔8年再戰世盃，球隊備戰非常積極，真正實力似乎被低估，讓球客勝（+1）更抵玩。

（Now 618及616周四早上7時直播）文:工廠仔

奎羅斯匆匆上任柏迪又惹麻煩
加納近6屆世盃第5度參賽，實力本應唔差，但係球隊喺世盃外嘅表現已飽受批評，上年連非國盃都未能出線，引起極大爭議。加納拎到世盃入場券後，熱身賽演出同樣慘不忍睹，足總忍無可忍下喺4月緊急換帥，然而奎羅斯上任亦未能帶起球隊，加納近6場比賽1和5負。

奎羅斯今屆世盃召入有官司在身嘅湯馬士柏迪，又再引起另一番爭議，結果今仗賽前被加拿大拒絕入境申請，將無緣呢場喺多倫多上演嘅賽事上陣，對球隊實力同心理都係打擊，今場無把握擊敗巴拿馬。

巴拿馬喺世盃前積極備戰，今年內一共踢咗7場熱身賽，拎到2勝3和2負成績，包括上場1比1打和另一決賽周球隊波斯尼亞。巴拿馬喺熱身賽兩戰非洲世盃代表南非，亦有1勝1和佳績，今場無懼加納來犯，受讓下必捧讓球客勝（+1）。
#百家贴士 #足球 #体育