歐聯爆發「英法大戰」，馬賽主場對利物浦，近期成績低迷嘅「紅軍」終於等到救星穆罕默德沙拿歸隊，可望提升攻力，打翻身仗。不過馬賽亦有兩位前英超兵格連活特、奧巴美揚組成老嫩鋒線，攻力唔嘢小，加上雙方都要搶分爭出線，勢必開Turbo鬥攻。睇番馬賽今屆6場歐聯有5場總入球開3球或以上，最好博中位數2.5球嘅入球大。（Now 643周四凌晨4時直播）文:Mic少

馬賽今屆歐聯6戰3勝3負獲得9分，要晉級淘汰賽並唔穩陣，爭勝決心一定強，適逢對手利物浦處於低潮，正係搶分好機會，相信教練迪薩比會採取主攻戰術。

格連活特入球停不了
事實上，馬賽有充裕本錢踢進攻足球，兩位射手格連活特、奧巴美揚狀態大勇，當中格連活特繼法足盃對巴約上演「帽子戲法」後，上場法甲對昂熱又入波，今季各項賽事26次披甲狂轟20球及6次助攻，包括歐聯有3球進帳。至於36歲老將奧巴美揚今屆歐聯入3球及4次助攻，呢條「一老一嫩」鋒線集活力同技術於一身，足以撕破利物浦防線。

至於利物浦6戰4勝2負有12分在手，必定希望打入前8位直接晉級16強，以免節外生枝。雖然「紅軍」踏入2026年後踢5場比賽僅1勝4和，甚至對住兩支英超新升班球隊列斯聯及般尼都贏唔到。幸好神鋒穆罕默德沙拿已經踢完非國盃歸隊，佢喺非國盃射入4球，可望為「紅軍」鋒線注入新力量。此外，域斯愈戰愈勇，近6次披甲有4球進帳，利物浦入波機會相當高，有望合演入球騷。
#百家贴士 #足球 #体育