沙特職爭霸進入白熱化階段，榜首希拉爾被艾納斯同吉達艾阿里步步進逼，餘下賽事1分都不能少。希拉爾今輪主場迎戰伊蒂法克，可謂不勝無歸，佢哋喺冬季轉會窗瘋狂增兵後，實力大大增強，對住遇強即屈嘅伊蒂法克，有力大炒一場，中位數3.5球入球大值得捧場。

（on.cc東網周五晚11時25分直播）文:工廠仔

希拉爾爭標全速衝刺，喺冬季轉會窗盡收天下兵器，包括簽入中堅柏保維拿、法國兩大新星穆哈密美迪同保亞比等7位球星，當中最受注目嘅，當然係昔日金球獎得主賓施馬，呢位38歲前鋒老而彌堅，上輪聯賽處子上陣即連中三元，助希拉爾大炒艾科多6比0，完全唔需要時間磨合。

希拉爾周中喺亞冠精英盃被沙比阿爾阿里悶和0比0，但要留意領隊施蒙尼恩沙基喺呢仗刻意留力，除咗賓施馬唔合乎上陣資格外，馬爾甘、魯賓尼維斯、沙積米連高域沙域等主力皆任後備，留力聯賽衝刺決心非常明顯，今仗養精蓄銳之下，肯定一開波就會火力全開，向伊蒂法克狂轟猛炸。

主場出擊例多士哥
另邊廂，雖然伊蒂法克嘅球員質素唔算太差，但同列強相比之下，就有明顯距離，佢哋今季作客前列分子都冇啖好食，上月底作客吉達艾阿里就慘吞4蛋，季初作客艾塔亞文就輸1比4，加上首循環主場都吞希拉爾5蛋。

而且希拉爾主場出擊好攻得，近7場主場有5次總入球開4球或以上，今場「大」炒可期，一於捧3.5球入球大。
#百家贴士 #足球 #体育