女子歐聯8強首回合上演「倫敦打吡」！衞冕嘅阿仙奴女足迎戰車路士女足，兩支英超球隊勢均力敵，主隊近期狀態大勇，最重要係防守非常穩健，而車路士能夠喺聯賽階段保持不敗，同樣有賴一條銅牆鐵壁防線，預料雙方穩打穩紮，開2.5球嘅入球細居多。（Now 643周三凌晨4時直播）文:工廠仔

阿仙奴女足喺聯賽階段以第5名晉級，不過踏入2026年後演出回穩，尤其後防變得更加緊密，近期7連勝有6場保持不失球，今場面對老對手車路士女足，雙方都知己知彼，踢法肯定會較保守，再睇番兩隊之前3次對賽，總入球全部開2球或以下，宿敵對碰都係會以穩為先。

兩隊澳洲國腳舟車勞頓
車路士女足今屆歐聯防守極穩，聯賽階段6場只係失咗3球，同巴塞隆拿女足、里昂女足成為3支不敗球隊之一，韌力極強。車路士女足上場聯賽被倫敦城雌獅女足意外逼和，近3場作客只得1勝1和1負，今場唔會大貪爭勝，務求唔輸波，留番次回合喺主場再搶。

值得留意嘅係，阿仙奴女足同車路士女足，分別有3個同2個澳洲球員啱啱踢完女子亞洲盃決賽，飲恨而回已經夠傷心，加上要舟車勞頓趕返英國，今場上陣成為疑問，削弱兩隊嘅爭勝本錢，首回合賽事多數唔會搏盡，捧2.5球入球細好路。
 
#百家贴士 #足球 #体育