今晚亞冠二上演4強次回合，由泰甲球隊曼谷聯再鬥日職勁旅大阪飛腳。曼谷聯唔單止首回合贏波，而且擅搶開局，可趁飛腳急於收復失地谷晒上前，喺初段拮多一刀，半場主勝捧得過。（周三晚8時15分開賽）文:法達斯維

論實力同經驗，曼谷聯點秤都比較輸蝕，但呢支泰甲球隊就用戰術搭夠，好似首回合造訪日本，佢哋開波冇耐即博到12碼打開紀錄，之後屯重兵死守，成功守住1比0勝果到完場。查實曼谷聯呢招先發制人向來非常耍家，近5場亞冠二全部於上半場取得領先優勢，最終錄得3勝2和，正正係因為早早領先，令對手陣腳大亂，此起彼落下愈踢愈順，今仗必定照辦煮碗。

日職代表攻勢唔入肉
另邊廂，飛腳於首回合空有一面倒形勢，控球率高達72%，可惜真正具威脅的射門鏡頭唔多，飛腳全場共有21次攻門，但只得2次中目標兼食白果，同2射1中取得1球嘅曼谷聯相比，效率高下立見，角球數字飛腳更遙遙領先18比1，不過統統係隔靴搔癢。除此之外，呢支日職球隊仲有中堅中谷進之介領紅牌被逐，今仗要坐波監，實力再打折扣，加上近3場亞冠二兩次半場落後，今仗谷得太前隨時被曼谷聯偷襲，寧捧半場主勝。
#百家贴士 #足球 #体育