今晚德盃4強大戰，拜仁慕尼黑作客硬撼利華古遜。拜仁劍指3冠王，啱啱過咗聯賽頭關，士氣大振，挾7連勝強勢而臨，必定一開波即狂攻利華，一於捧半場客勝。（周四凌晨2時45分開賽）文:法達斯維

拜仁日前擊敗史特加，提前4輪鎖定德甲冠軍，成為今季歐洲5大聯賽最快奪冠球隊，3冠王目標順利過咗頭關，仲有兩關係歐聯同德盃。高柏尼麾下嘅拜仁，以火力強勁見稱，單係射手哈利卡尼，今季各項賽事已經入咗51粒，仲未計米高奧利斯、路易斯迪亞斯等火力點，令對手防不勝防，加上近7仗贏晒，其中5次上半場領先，可見其先發制人策略奏效。

利華走晒樣狀態唔掂
雖然利華前季曾打破拜仁壟斷稱霸德甲，但當年嘅班底，無論係主帥沙比阿朗素，抑或莊拿芬泰希、域斯、格列沙加等骨幹均已跳船，今季季初仲發生坦哈格領軍62日即被炒嘅鬧劇，搞到一地花生。利華依家聯賽排第6位，各項賽事近8仗贏得2場，狀態欠佳，對住火力全開嘅拜仁，隨時半場都頂唔住。
 
#百家贴士 #足球 #体育